Saturday, April 23, 2016

पाण्याचा भार हलका करणारे ‘व्हील’!

Image result for wello wheelमहाराष्ट्र टाईम्स दी. २३ एप्रिल २०१६: यंदाच्या १६ एप्रिलला भारतात रेल्वे सुरू झाली त्याला १६३ वर्षे पूर्ण झाली आणि काल ह्याच रेल्वेच्या सहाय्याने ह्या वर्षी लातूरला पिण्याच्या पाण्याचा पुरवठा करण्यात आला.  म्हणजे एकीकडे अवकाशात उपग्रह सोडण्याचे तंत्रज्ञान वापरण्याइतके आपण प्रगत आहोत तर दुसरीकडे देशातील फार मोठ्या लोकसंख्येला साधं पिण्याच्या पाण्याच नीट वितरण आपण करू शकलो नाही.
पाण्याच्या या समस्येचा अनेकांनी अभ्यास केलेला आहे, त्यावर लेख, चर्चा, वाद-संवाद गल्ली ते दिल्ली पर्यन्त नेहमी झडत असले तरी खेड्यातील लाखो महिलांच उभं आयूष्य थेंब-थेंब पाण्यासाठी खर्ची पडत आहे. रोज किमान २० लीटर पाणी ३ ते ५ कि. मी. अंतरावरून एकावेळी त्या डोक्यावरुन किंवा कंबरेवरुन वाहून आणतात. वर्षानुवर्षे असे पाण्याचे हंडे वाहून आणल्यामुळे त्यांना मणक्याचे विकार होतात, बाळंतपणाच्या वेळीही याचा त्रास होतो, अनेक आजारांची गुंतागुंत वाढत जाते आणि पाण्यासाठी त्यांचा एके दिवस जीव जातो.